Udalaren bederatzi Sailek parte hartzen dute deialdi horretan, guztira, 23 programak. Udaletik emandako informazioaren arabera, adibidez, "kirola eta kultura sustatzen, irakaskuntzaren kalitatea hobetzen, euskararen erabilera bultzatzen, herritarren parte hartzea udal kudeaketan, boluntarioak sustatzen, garatu gabeko herrialdeen lankidetza proiektu solidarioak egiten, hirugarren adinekoak beren interesen kudeaketan dinamizatu eta inplikatzen, kohesio soziala sustatzen eta hobetzen" laguntzen duten elkarte, talde edo entitateei zuzendutako laguntzak dira.
Adibide zehatzagoak ipintzearren: euskaltegietan euskara ikasten dabiltzanei, errotuloak, irudi korporatiboa eta web orria euskaraz egiten duten enpresa eta komertzioei, erretiratuen elkarteei, udal tasak ordaintzeko diru baliabide urriak dituztenei, espetxean preso dauden pertsonen senideen garraio gastuetarako, herriko musika taldeei, aisialdiko begirale ikastaroak egiteko, gazteen elkarteei edo Arrasateko kirol taldeei ematen die laguntzak Arrasateko Udalak.
Laguntzak eskatzeko eskabide eredua bete behar da. Hainbat lekutan eskura daiteke hori: Biztanleen Arreta Zerbitzuan, Gazteen Informazio Bulegoan, Emakume Txokoan, Musakolako Kiroldegian edo Udalaren web orrian ere bai: www.arrasate-mondragon.org
.