Horrez gainera, Aralarren boto igoera ere nabarmena da, ia bikoiztu egin du boto kopurua; 2005ean eskuratu zituen 621 botoetatik 1.119 boto eskuratzera pasa da, beraz, ia 500 boto gehiago lortu ditu Arrasaten.
Jaitsierak begiratuta, berriz, Aralar igo den ia neurri berean jaitsi da, Eusko Alkartasuna; Euskal Autonomia Erkidego osoan gertatu den moduan, Arrasaten ere behera egin du nabarmen, 535 boto galdu ditu, eta lehen zuen boto kopuruaren erdia eskuratu du. Eta beheranzko joera hartu du, baita ere, Ezker Batuak, 400 boto galdu ditu-eta Arrasaten.
Bukatzeko, Urrezko Botoei dagokienez, edo ezker abertzaleen botoei dagokienez, nabarmena da, baita ere, jaitsiera, izan ere, 986 boto gutxiago eskuratu ditu 2005eko hauteskundeekin alderatuta.
Abstentzioari dagokionez, horrek gora egin du; 2005ean %32,10ekoa izan zen eta atzo, berriz, %35,73ra iritsi zen.