20 urte beteko ditu andaluziarrek domekan egingo duten Errozioak

Al-Andalus elkarteak moduan, 20 urte beteko ditu aurten Errozioak Arrasaten. Herrian bizi diren andaluziarrendako oso egun berezia da, eta urtez urte gero eta parte-hartze altuagoa du. Uztaileko lehen domekan ospatzen dute Errozioa; aurten, beraz, uztailaren 4an izango da, domekan.

Goiz zein arratsaldez egongo da zer egin: 9:00etan elkarte ezberdinei egingo diete harrera eta 19:30ak arte ospakizunetan izango dira. Erlijioa, musika, kantua eta dantza izango dira protagonista. 10:30ean Errozioko meza egingo dute Santa Teresa elizan eta gero eramango dute Errozioko Ama Birjina Eroski ondoko Arruena parkera.
Arruenan egingo dituzte ospakizunak; aurten Euskal Herriko beste herri batzuetako 16 elkartek eman dute izena oraingoz. Egun osoan zehar Andaluziako produktuak dastatzeko aukera egongo da, eta antolatzaileek egunerako jantzia eramateko deia egin dute.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.