17 langile behar ditu Arrasateko Udalak, irailean

Honako lanpostu hauek dira Arrasateko Udalak bete gura dituenak: lorazaina, lorazain-laguntzailea, delineatzailea, delineatzaile-argiketaria, ingeniari tekniko elektronikoa, baso-langilea, bost peoi, uretako ofiziala, igeltseroa, administrari laguntzailea, bi inkestatzaile eta dokumentalista. Egubakoitzera arte eman daiteke izena.

Lanpostu guztiak dira sei hilabeterako, lorezainarena izan ezik; hori hiru hilabeterako izango da. Hori bai, lan guztiak egun osokoak izango dira. Lanpostuetarako izena emateko epea dagoeneko zabalik dago, hilaren 17ra arte, egubakoitzera arte, beraz. Bi lekutan eman daiteke izena: Biztanleen Arreta Zerbitzuan edo Enpleguko Institutu Nazionalean (INEM).

Irailean hasi lanean

Izena emandakoen arteko hautaketa prozesuak uztailaren bigarren hamabostaldian egingo dituzte. Besteak beste, pertsona bakoitzaren desenplegu egoeraren balorazioa egingo dute eta lanposturako duen egokitasun maila baloratuko dute. Lanean, berriz, irailean hasiko dira.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.