Iruditan ikusten duzuen pieza bi igogailuak lotuko dituen pasabidea da. 12 tonako pisua du, eta 60 metroko luzera. Ikusgarria izan da pasabidea nola altxatu duten ikustea. Garabiak Uarkape pilotalekuaren altuerara igo du pasabidea eta, gero gainetik pasa du. Oinarri baten gainean utzi ostean, langileek soldatu egin dute. Lanetako arduradunek adierazi digute ezustekorik ez izateko, eta dena behar den bezala egiteko, aurrez maketa batean muntatu dituztela pieza guztiak.
Urrirako amaituta
Asmoa da lan guztiak iraila-urrirako bukatuta izatea. Amenabar enpresa dabil igogailu publiko hori eraikitzen. Oraindik ezin dute esan noizko egongo diren erabilgarri igogailuak. Obra garrantzitsua da Ferixaleku-Altamirako igogailuena. Aurrekontua da 2 milioi euro pasakoa.