Hain zuzen ere, lur azpiko eta parkeko obrak bukatzeko, kalea ibilgailuendako mugatzeko pibotak ipintzea falta zitzaien. Udalaren asmoa zen hori egin ostean zabaltzea Garibaiko pasabidea.
Baina orain, beste obra txiki bat ere egingo dute: geltokiaren egokitzapena.
Kontua da autobus geltokia atzera ere Garibain kokatuko dutela abenduan. Baina, horretarako, geltokia handitu egin beharko dute.
Lekua handitu behar
Orain lehen baino autobus gehiago dabiltza, eta askotan bata bestearen atzean geratzen dira geltokian, ilaran; eta jakina, lekua behar dute horretarako. Horrela, geltoki inguruko espaloiari zati bat jan eta handitu egingo dute autobusendako espazioa. Beraz, hori guztia egin arte Garibai itxita edukitzea erabaki du Udalak.
Hori horrela, alkateak aurreratu digu aurreikusita dutela Santamas jaiak baino lehen zabaltzea etorbidea.