Juan Ramon Garai liburuaren egileak bertso bat bota zuen hasieran eta ondoren Jokin Labaien bertsolariak bost bertsotan laburtu zuen Celestinoren bizitza. Hain zuzen ere, historia horrek txunditurik idatzi zuen Joxe Iriarte "Bikila"-k liburuaren hitzaurrea. Bere ustez Celestino Uriarte pertsona ondratua, zintzoa eta batez ere antolatzaile aparta zen.
Txalapartarekin
Aurretik Garaik egindako lanen jakitun, Txalaparta argitaletxekoek irakurri barik eman zioten baietza bere azken liburuari. 312 orritan batu dute Uriarteren historia.
Talde lana
Juan RAmon Garaik liburua talde lana izan zela azpimarratu zuen, eta Larraitz Altunak emandako laguntzarik gabe liburua ez zela argitara irtengo adierazi zuen.
Abestia
Aurkezpena luntx eder batekin eta Gose taldeak espresuki liburu honi begira egindako Amets Gorria, bihotzen taupada izeneko abestiarekin amaitu zen aurkezpena.