Presoen eskubideen aldeko Ibaetako dokumentua oinarri hartuta, astebururo egoera jakin bat irudikatzea da ekimenaren antolatzaileen asmoa.
Hala, oraingo asteburuan osasun egoera larrian dauden presoen egoera salatuko dute. Horretarako, ziega barruan pertsona bat izango da eta kanpoan, berriz, gaiarekin zerikusia dutenek informazioa banatuko diete herritarrei: medikuek, masajistek eta halakoek.
Hurrengo asteburuan, berriz, salatuko dute zigorra beteta duten presoen egoera. Kasu horretan, esaterako, abokatuek lagunduta banatuko dute informazioa.
Azken batean, presoen egoera salatu eta haien eskubideak aldarrikatzeaz bat, helburua da presoen gaia gizarteratzea.
Bigarren eskuko azoka
Bestalde, elkartetik jakinarazi digute bigarren eskuko azokarako jantziak batzen hasi direla. Jantziak eta osagarriak Iluntz edo Irati tabernetara eraman behar dira, azaroaren 30a baino lehen.
Azoka, berriz, abenduan ipiniko dute, presoen alde lanean dabilen Portaloira Elkartearendako dirua batzeko.