Lehiaketan nahi duen orok hartu dezake parte. Hiru sari banatuko dira eta sariak emateko orduan kontuan izango dira: lehiaketarako prestatu den perretxiko zerrendako espezie gehien aurkeztea eta aurkeztutako perretxikoen kalitatea.
Arizmendiko ikasleek ere parte hartuko dute eta horretarako DBHko lehen eta bigarren mailako ikasleak asteon perretxiko bila joango dira. Aurten lehenengo aldiz egingo da Arrasateko tabernen arteko pintxo lehiaketa. Parte hartu nahi duten tabernek pintxo bana aurkeztu beharko dute. Pintxoaren osagai nagusia perretxikoa izango da. Aurkeztuko diren pintxoak aurkeztu duen tabernan salgai egongo dira dastatu nahi duten guztien gozagarri. Iritziak iritzi, epaimahaiak erabakia 14:00etan jakinaraziko du.