Atzoko ekitaldian bertan jende multzoa batu zen dendan: herritar ugari, eta politikari, historialari edota sindikatuetako ordezkariak ere bai tartean.
Erdikokaleko megadendak aukera zabala eskaintzen du liburu, disko, aldizkari eta papertegian, baita sareko beste dendetako materiala egun batetik bestera eskuratzeko modua ere.
Besteak beste, Joxe Arantzabal idazle eta Unibertsitateko irakaslea ekitaldian izan zen. Hire liburu-denda ixtean pena sentitu zuela esan zuen, eta orain poztu egin dela megadendaren irekierarekin. Kasualitate polita, bere hitzetan, Jokin Zaitegi jaio zeneko ehungarren urteurrenean, hura bizi izandako eremuan denda hau ireki izana.
Bestalde, Jon Jakak, Elkar Fundazioko idazkariak, adierazi esan zuen ez zutela momenturik onena aukeratu megadenda irekitzeko. Edonola ere, harrera ona egin dietela arrasatearrek.