Bestalde, aurrera jarraitzen dute herri erdialdetik Aramaio erreka bistara uzteko lanek. Otalora kalean dabiltza lanak egiten eta oraindik ere lanek luze joko dutela diote Udal arduradunek.
Erreka saneatzeko neurrietako bat da ibaia bistaratzearena, kolektoreko lanekin batera. 2004 urtean hasi ziren lanean eta dagoeneko amaituta dago Arrasateko kolektorea.
Lanak direla-eta abuztu erdialdetik hainbat aparkaleku kendu zituzten Uerkapen eta horrela jarraituko dute lanak luzatu bitartean. Hala ere, aparkalekuak bere horretan jarraituko du behin bistaratze lanekin amaitzen dutenean nahiz eta epe zehatzik ez dagoen.
Erreka garbiago
Aramaio errekak 800 metro izan ditu gaur arte lur azpian, Zarugalde kaletik hasi eta Maalaraino eta orain Uarkapeko tartea bistaratu dute, Otalora kalean, saneamendu hobeago baterako. Errekaren alde bietan ur zikinak eramango dituzte hodiak joango dira, Epelen Deba ibaiko araztegia dagoen lekuraino.
Epeleko araztegiarekin udazken honetan dira lanean hastekoak, 2010an amaitzeko