Zera salatu zuten: "Pintada sexistak eta faxistak dira, egileen maila morala erakusten dutenak."
Bazkide bat, boto bat
Halakorik ezin zaiola bazkide bati jasanarazi adierazi zuten: "Halakorik ezin zaio bazkide bati jasanarazi, nahiz eta azken batzar orokorrak korapilatsuak izan diren. Gure arteko desadostasunak batzarretan argitu ditugu: bazkide bat, boto bat. Horrela gainditu ditugu historikoki gure arteko desadostasunak, behin baino gehiagotan gaurkoak baino zailagoak izan direnak."
Kontseilu Errektoreko kideak bazkideek aukeratzen dituztela eta bazkideek ken ditzaketela kargutik gogoratu zuten. Horregatik, gisa horretako ekintzak, basatiak eta bihotzgabeak euren hitzetan, ezin direla onartu esan zuten.
Guztiak bat eginda
Barrena bazkide den Zigarrola elkartea osatzen duten kideek ere elkartasuna adierazi zioten.
Guztiak bat etorri ziren eraso horien egileei aurrean izango dituztela esaterako orduan eta gaineratu zuten egunen batean pintadak egin dituztenak nortzuk diren jakiten bada zor zaien moduan jokatuko dela.