Udalak bi mozio onartu ditu gaur, frankismoaren biktimen eskubideak aldarrikatzeko eta memoria historikoa ez galtzeko. Publikoki aitortu du biktimek jasan zituzten ondorio ekonomiko, fisiko nahiz moralak. Kalteordainak ere aldarrikatu ditu. Horretaz gainera, aurtengo uztailaren 18a frankismoaren biktimak omentzeko eguna izatea onartu du.
Eusko Alderdi Jeltzaleak eta Alderdi Sozialistak mozio bana aurkeztu dute gaurko osoko bilkuran eta Alderdi Popularrak ezik, osoko bilkuran izan diren alderdi guztiek onartu dituzte mozio biak.
Udalak 1936ko uztailaren 18ko gertakarien gaineko hausnarketa bultzatzeko egingo diren ekitaldiak bultzatzeko eta laguntzeko konpromisoa hartu du.
Baita ere, konpromisoa hartu du herrien arteko laguntasunaren eta demokratikoki ideia politiko anitzen alde borrokatzen dutenen berradiskidetzearen alde lan egiteko.
Frankismoaren biktimek, ideia demokratikoak defendatzearren ondorio latzak izan zituztela onartu du Udalak eta publikoki aldarrikatu du biktimen eskubidea kalte-ordain moral zein ekonomikoa izateko.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak