Hamabost eguneko epea
EAk argi utzi gura izan du bakarrik birritan batzartu dela batzorde negoziatzailearekin eta ez duela beste inolako batzar pribaturik egin.
Horrekin batera, gobernua utziko duela ere esan du EAk, udalbatzarrean sortu den egoera konpontzen ez bada: "Ikusita konponbide egokia aurkitzeko ez dela aurrerapausorik egin, EAren udal taldeak eta zinegotziek 15 eguneko epea eman dute egoera konpontzeko. Horrela ez bada, EAk ez du ez gobernuan segituko ezta batzorde informatiboen presidentziekin segituko. Bestelako irtenbideak aurkitu beharko lirateke".
Dimisioa eskatu du PPk
Bestalde, PPko Itziar Lamarain bozeramaileak Gelmako auzia dela-eta, Inazio Lakuntzaren dimisioa eskatu zuen prentsaurrekoan, "eta berarekin eraman dezala Ugarte". Informazioa ezkutatu zaiela salatu zuen eta besteak beste, alkateak gardentasun barik jardun duela. Halaber, gainerako udal alderdiek gai horretan ardura badutela adierazi zuen
Bestalde, Cerrajerako etxeak direla-eta, Caixa eta Visesaren proposamenen aurrean Caixaren aldeko erabakia hartzearen arrazoiak argitzeko ere eskatu zuen Lamarainek.
Prebarikazio salaketa
EBk, berriz, Auzitegi Gorenean salaketa aurkeztu du, Lakuntza alkatearen eta Loiti alkate ohiaren kontra. Gura du argitu Gelmaren operazioa gauzatzeko "prebarikazio, fondo publikoen bidegabeko erabilera edo funtzionario-eroskeria delituak egin dituzten".