Monte tabernak Musakolako Estrella eta San Andreseko Di-Tu tabernekin batera antolatu du aurten ere Giroaren inguruko porra eta azaldu du aurten nabarmen handitu dela parte hartzaileen kopurua, iaz baino ia ehun lagun gehiagok jokatu dute aurten. 511 guztira. Bakoitzak 30 euro jarri behar izaten ditu porran parte hartzeko.
Sari erakargarriak
Lehen saria hartu duenak 6.132 euro kobratu ditu. Atzo egin zuten sari banaketa eta beraz, atzo hartu zuen, lehengo pezetetan milioi bat pasatxo. Bigarren saria 3.832'50 euro izan da, milioi erdi pasa. Hirugarren saria eskuratu duenak 1.916'25 euro eraman ditu. Eta hurrengo hamarrek bakoitzak 383'25 euro.
Giroa amaituta, laster hasiko dira txirrindularitzaren jarraitzaileak Tourrerako porran izena ematen. Tourreko porran lagun gehiagok jokatzen dute.