Jon Agirreren aldeko plataformaren hitzetan komertzioetan ere erantzun polita izan du deialdiak. Merkatariak, udaletxeko langileekin eta beste zenbait herritarrekin batera plazan bildu dira, Arrasateko presoaren askatasuna eskatzeko. Jende dezente bildu da udaletxe aurrean.
Guardia Zibila
Plazako bilkuran ez da arazorik izan, Fagor Elektronika aurrera, ordea Guardia Zibila agertu da eta zenbait langile identifikatu ditu. Honez gain, argazkiak ateratzen ari ziren bi lagun denbora luzez egonarazi dituzte eurekin. Galdeketa egin diete eta goitik behera miatu dute euren autoa.
Goienako Arrasateko langileek ere bat egin dute Jon Agirre Herri Ekimenak gaurko egindako lanuzte deialdiarekin.