Joan den urtean lortu zituzten irabazietatik, 9,32 milioi euro izan ziren enpresendako egindako I+D proiektuetatik jasoak. 5,36 milioi euro, berriz, Eusko Jaurlaritza, Diputazioa, Merkataritza eta Turismo eta Hezkuntza eta Zientzia ministerioentzat egindako ikerkuntza lanetatik lortu dituzte.
Europa mailan
Joan den urtean, gainera, ahalegin handia egin du Ikerlanek Europa mailako ikerketa proiektuetan egoten. Hala, Europa mailako lau proiektu berri abiarazi ditu Ikerlanek.
Espezializazio Plana
Ikerlanek datozen urteotarako bultzatuko dituen proiektuak:
- Ingurugiro Adimena.
- Kudeaketa eta kontrol elektronikorako sistema aurreratuak.
- Sistema mekanikoen diseinua eta kontrola.
- Parametro fisiko, biokimiko eta genetikoak detektatzeko sistemak.
- Etengabeko berrikuntza behar duten zerbitzu eta produktuen pertsonalizazioa.
- Eraginkortasun eta iraunkortasun energetikoa eraikinetan.