Etxean hilda aurkitu dute emakume bat

Atzo, maiatzak 10, eguerdian emakume bat aurkitu zuen Arrasateko udaltzaingoak Ferrerias kaleko 30eko etxebizitza batean. M.I.M.E. inizialdun 63 urteko emakumea bizi zen helbide horretan.

Udaltzaingoak azaldu duenez, egun bat baino gehiago zeramatzan hilda. Atzo bertan eman zuen abisua hildakoaren ahizpak udaltzaingoan. Hainbat egun zeraman ahizpak dagoeneko hilik zegoen emakumearen berri jakin barik eta kezkatuta, salaketa jarri zuen.

Eguerdian joan ziren udaltzainak Ferrerias kaleko etxebizitzara eta emakumeak inolako erantzunik ez zuenez ematen deitzen zutenean, atea bota eta barrura sartu ziren. Hilik aurkitu zuten emakumea. Ertzaintza eta epaitegiko medikua ere etxebizitzara joan ziren, emakumea hilda zegoela ziurtatzeko. M.I.M.E. emakumearen gorpua Donostiara eraman zuten, autopsia egitera.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.