AUKEA sariak 2005 banatuko dira

Aukea sariak Arrasateko kirolarien lana aitortzeko sariak dira. Sari banaketa maiatzaren 13an, zapatuan, 17:30ean, Musakolako Kiroldegian egingo da. Bertan, gimnasia erritmikoko taldeak ikuskizuna eskainiko du.

Hona hemen 2005eko sarituak:

Kirolari saritua 2005

Itziar Mallaiabarrena. Gazte mailan kirol ibilbide aberasgarria izan du emakumezkoen saskibaloian Espainiako estatuko selekzioarekin arituz behin baino gehiagotan. Gaur egun, saskibaloian errendimenduko taldea den Txingudiko (Hondarribia) taldean jokatzen du.

Kirol ekarte saritua 2005

Besaide mendi elkartea. Urteetan Arrasateko mendizaletasunaren alde egindako lanagatik. Bilakaera oso aberatsa izan du urtez urte kirol elkarte honek, gaur egun sekzio ezberdinak dituelarik aukeran: eskia (trabesiak eta pistetara irteerak (asteburuetan eta Aste Santuetako oporraldian), birak (Gipuzkoa, Bizkaia...), gazte ekintzak eta sustapen jarduerak, mendi irteerak (eskola kirola, nagusiak).

Aipamen berezia 2005

Luis Lopez Bonba: Arrasateko kirolean erreferente izan da betidanik. Futbol jokalaria urte askotan, entrenatzailea eta kirolzaletasunaren eredu.

Cesar Diez: Kirola egiten duten biztanle anonimo guztiei, urtez urte norbere zaintzan partaidetza kirolean aritzen direnei.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.