Apirilaren 5ean 52 bat pertsona bildu ziren Otaloran Jasangarritasun Planaren faktoreen analisia egiteko; 71 faktore ezberdin zehaztu zituzten. Maiatzaren 3an berriro bildu dira eta faktore horien garrantzia zehaztu dute, zortzi laguneko lan-taldeetan banatuta. Ekainean egingo dute hurrengo bilera eta urrian amaituko da prozesua Arrasateko Jasangarritasun Plana aurkeztuta.
Arrasateko Udala jasangarritasunaren gaineko hausnarketa egiten ari da, hurrengo urteotarako udaleko politikak jarraitu beharko dituen ardatz estrategikoak zeintzuk izango diren zehazteko.
Arrasateko agente ezberdinak
Arrasaten garrantzia duten agente ekonomiko, sozial eta bestelako taldeetako ordezkariek hartu dute parte eztabaidetan.
Jasangarritasun plana egiteko oraingo errealitatetik abiatutako metodo sinpleak erabili dituzte, agente ezberdinen arteko komunikazioa errazteko. Hala, lan-talde ezberdinek prozesuan parte hartu dute eta etorkizunean garatu beharreko ardatz estrategikoak zehaztu dituzte antzerako beste prozesu batzuetan oinarrituta; Gipuzkoako Foru Aldundiak egin duenean oinarrituta, adibidez.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak