Duela 3-4 hilabete hasi zituzten negoziazioak Aita Menni Ospitale Psikiatrikoko zuzendaritzak eta langileek, lan hitzarmena berritzeko asmoz. Zuzendaritzak eskaintzen duena eta langileek eskatzen dutena ez datoz bat, ordea, eta negoziazioak bertan behera geratu dira.
Lan orduen murrizketa eta soldataren igoera
Zuzendaritzak ospitaleko lanaren gogortasuna kontuan izan dezan nahi dute langileek. Ildo horretatik, lanaldi murrizketa eskatzen dute: astean 35 orduko lanaldia nahi dute, alegia, egun dituzten 1.660 orduen ordez 1.592 izatea.
Lanaldi murrizketarekin batera, soldata igoera eskatzen dute: arlo publikoan lan berdina egiten dutenen pare irabazi gura dute.
Lanuzteak egunero
Orain arteko hitzarmenak urtebetez egon dira indarrean. Aldiz, oraingo eskaintza bi urterako da, eta aurrekoak baino eskasagoa, langileen iritziz.
Lan gatazkak dirauen bitartean, lanuzteak egingo dituzte langileek, egunero ordu bi t'erdietatik hiru t'erdietara. Atzo egin zuten lehena.