Dei bat baino gehiago jaso ditugu gaur goizean Arrasaterako bidean auto-ilaran dauden lagunenak. Lehendik ere ezagunak dira goizero egoten diren auto-ilarak; baina Kanpazartik Arrasatera sartzeko Muxibarko sarrera itxita dagoenez, Epeleko biribilgunean elkartzen dira orain auto denak, izugarrizko auto-ilarak sortuz.
Kanpanzartik, Bergaratik eta autobidetik Epelera iristeko auto-ilara handiak daude. Epeleko biribilgunean ertzainak daude zirkulazioa bideratzen.
Oñatitik Arrasatera etortzen ordubete eman du lankide batek gaur goizean. Goizeko 8:00etan irten da Oñatitik eta 9:00ak pasatxo iritsi da Arrasatera.
Autobidean ere auto-ilara handiak daude Bergaratik Arrasaterako bidean. Lankide bat dago han auto-ilaran eta autobideko tunelean geldi daude autoak. Gainera, aipatu digu abiadura handian joaten direla autoak eta auto-ilara ikusitakoan kolpean gelditu behar izaten dute, arrisku handia sortuz.
Kanpanzartik Arrasaterako bidean dago beste lankide bat. Epelera iritsi baino kilometro bat inguru lehenago ilaran daude ibilgailuak, ia-ia geldi.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak