Devin Smith jokalari estatubatuarra ezik, taldeko jokalari guztiak izan ziren Astore enpresaren lantegian, Kataiden. Beraiekin batera Miguel Santos taldeko presidentea eta Porfirio Fisac entrenatzailea ere etorri ziren Arrasatera.
Diseinu departamentuan egiten den lana azaldu zien bisitariei Jose Ignacio Garro produkzio arduradunak. Jarraian, Astoreren produktu ezberdinak egiteko jarraitzen duten prozesu osoaren gaineko azalpenak jaso zituzten Bruesa Gipuzkoa Basket taldekoek.
Play-offak gertu
Bruesa saskibaloi taldea ligako azken txanpan ari da. Bi jardunaldi besterik ez zaizkio geratzen liga amaitzeko eta ACBra igotzeko play-offak jokatzeko borrokan dira donostiarrak. Ostiralean Leon liderraren kantxan jokatuko dute donostiarrek.