Des-Kontrolek diskoa aurkeztuta bira egingo du

Des-Kontrol taldeak "Duintasunez eutsi" diskoa kaleratu du Oihuka diskoetxearekin. Horrekin batera, datozen asteetan bira egingo du AEBetako Dryheavers taldearekin.

Des-Kontrol taldeak izen handia hartu du aspaldian. Iaz AEBetan, Alemanian eta beste herrialde batzuetan birak egin zituen.

Horren ostean, 2005aren bukaera eta 2006aren hasiera bitartean diskoa grabatu zuten. "Duintasunez eutsi" kalean dago dagoeneko, eta Oihuka diskoetxearekin kaleratu dute. Punk-Oi!a da Arrasateko boskoteak egiten duen musika.

Apirilaren 13an, 14an, 15ean, 20an, 21ean eta 22an AEBetako Dryheavers taldearekin batera hainbat kontzertu emango dituzte Euskal Herrian. Azkena, 22koa, Arrasateko 3.60 aretoan egingo dute.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.