Muxibarko biribilgunetik ezin da Kanpanzarrerantz joan

Aramaio ibaiaren saneamendu lanak egiten dabil Eusko Jaurlaritza Arrasaten. Uren kolektoreak jartzen dabiltza eta orain Muxibarko biribilgune ondoan interzeptore bat jarri behar dute. Hiru hilabetez egongo da errepide zati hori itxita eta Kanpanzarrera joateko, auto gidariek Epeleko bidea hartu behar dute.

Batek baino gehiagok sorpresa hartu du gaur eta atzo, herri barrutik Bizkaia Etorbiderantz edo Kanpanzar mendaterantz joan nahi zuelako eta ezin zuelako. Muxibarko biribilgunea itxi dute eta holan egongo da hurrengo hiru hilabeteetan.

Eusko Jaurlaritza Aramaio Errekako saneamendu lanak egiten dabil. Gune horretan, Muxibarko errotondan interzeptore bat jarri behar du. Hiru hilabeteko lanak izango dira.

Epeletik

Bizkaia etorbiderako sarbidea itxita dago, beraz, Kanpanzarrerako edo Meatzerrekarako bidea hartu behar dutenek Epeleko bidea hartu beharko dute. Arrasatera sartzeko, berriz, ez dago arazorik.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.