Aurtengo edizioaren arrakasta ikusita, datorren urtean ere egingo dute abesbatzen topaketa

Usoa Agirre 2006ko api. 4a, 13:59
Entzule eta parte hartzaile ugari izan ziren zapatuan Debagoieneko XIX. abesbatzen topaketan. 600 bat ikusle eta 400 bat kantari izan ziren Uarkapen, pilotalekua leporaino beteta. Batutako diruaren laurdena Nubi elkarteari emango diote. Aurtengo arrakasta ikusita, datorren urtean hogeigarren edizioa prestatuko dutela esan dute Arizmendikoek egindako balorazioan.

Arizmendi ikastolakoak izan ziren antolatzaileak, baina eurekin batera parte hartu zuten beste hainbat ikastetxetako abesbatzek: Arrasateko Mesedeetako Andra Mari Ikastetxekoak, Oñatiko Elkar Hezikoak, Aramaioko San Martin Herri Eskolakoak, Oñatiko Txantxiku ikastolakoak eta Gasteizko Olabide ikastolakoak.

Dirua Saharara

Sarreran lortutako diruaren laurdena Nubi gobernuz kanpoko erakundeari eman zitzaion. Erakunde hori Saharako herrialdeei laguntzen ari da Arizmendiko batxilergoko hainbat ikaslerekin. Zenbait ikasle udan Sahara bertara joango dira hango egoeraren berri zuzenean jasotzera.

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak