Gisasola da Fagor Etxetresna Elektrikoak taldeko zuzendari berria

Txema Gisasola izango da aurrerantzean Fagor Etxetresna Elektrikoak taldeko zuzendari orokorra. Hala, Pablo Mongelos ordezkatuko du (aurrerantzean, MCCren zuzendaritzako kide izango da). 43 urte ditu eta lizentziaduna da Psikologia Industrialean.

1987an sartu zen Fagorren, organizazio teknikari. 93an Danonako Giza Baliabideetako zuzendari izendatu zuten eta 97an kargu berarekin sartu zen Etxetresna Elektrikoetan. Gaur egun, korporazioko lehendakari-ordea da eta Etxetresna Elektrikoak taldeko Proiektu Estrategikoen eta Enpresa Kulturaren gerente, besteak beste.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.