Anton Txekhoven ipuinetan oinarrituta dago antzezlana. Zuzendaria Fernando Bernues da, Alberto Iglesiasek lagunduta. Bi egileek Anton Txekhov idazlearen bost ipuin taula gainean antzezteko egokitu dituzte. Ipuinak elkarren artean lotu dituzte, antzezlan itxura emanez.
Aktore lanetan arituko dira Teresa Calo, Isidoro Fernandez, Jose Ramon Soroiz, Dorleta Urretabizkaia, Eriz Alberdi eta Naiara Arnedo.
Max sariak
Errebelazio Espektakulu onenaren sarirako hautagaien zerrendan sartu dute lana, beste hamabostekin batera. Kategoria honetan proiektu berritzaileak eta artistikoak bultzatzen dituzte. Hamasei hautagaien arteko saritua martxoaren 13an jakinaraziko dute, Bartzelonan, bertako Musika Antzokian.