Bizkaia etorbidean aparkalekuetarako eraikina egingo da

Hiri Antolaketako Plan Orokorrean Udalak ezarritako lehen aldaketa onartu du Diputazioak. Udalaren arabera, "ibilgailuak aparkatzeko gunean dagoen arazo handiari erantzuna emateko" proiektua da.

Lurralde Antolaketa eta Sustapenerako Departamentuko diputatua, Koldo Azkoitiaren arabera, "Arrasateko Udalak aurkeztutako espedientean hauxe proposatu du: Bizkaia Etorbidea, 39 guneko mugak 3802-tik 6.935 m2-ra aldatzea. Horretarako, urbanizagarriak ez diren lursailak hartuko dira. Izan ere, aparkalekuetarako erabiliko den eraikina egin nahi baita".

Datuak

Aparkalekuetarako eraikinak 2.320 m2-ko lursaila hartuko du. 10.350 m2-ko zoru eraikinarekin. Guztira 28 metroko altuera izango du. Aparkaleku berriak igogailua izango du. Gorostiza auzoko irisgarritasuna nabarmen hobetuko du gainera.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.