"Bizi guztirako ezarri dioten kartzela zigorra eta auzitegian jasotako jipoiak" salatzeko egin zuten manifestazioa egubakoitzean Arrasaten, Askatasunak deituta. Presoaren egoera eta baldintzak "okertu" egin dira azaroaren 18an Grande Marlaska epailearen aurren deklaratu zuenez geroztik.
"Berriz ere jipoitua"
Askatasunak azaldu duenez, "helburu mendekatzaileekin hartu dituzte neurriak Unai Paroten aurka, erredentzioak kendu eta bizi osorako kartzela zigorra ezarriz, 60 urte guztira". Era berean, presoak jasotako "azken jipoia" salatu zuten egubakoitzeko agerraldian. Askatasuna taldeko ordezkariek adierazi zutenez, Entzutegi Nazionalean jasan zuen azaroan azken erasoa, senideek bere garaian ohartarazi zuten moduan.
Azaroaren 17an izan zen Unai Paroten azken epaiketa eta berriz ere banda armatuko kide izatea egotzi diote. Azken urtean Entzutegi Nazionalean Parotek aurre egin behar izan dion bigarren prozedura judiziala da hau eta fiskaltzaren eskaera betez gero, beste 30 urteko espetxe zigorra bete beharko du, aurrekoekin batuta 60 urte lirateke, hortaz.