Beñat Artzadunek hitzaldia eskainiko du Monterronen

"Eraldaketa Itxaropena, Mozambikeko Programa Integrala" hitzaldia eskainiko du Artzadunek. Azaroak 3, osteguna, arratsaldeko 19:00etan izango da solasaldia Monterron Jauregian.

Harremaneko kide Beñat Artzadunek, Marrupa Programaren inguruan jardungo da. Marrupa Programa 2001 urtean sortu zen Mundukide Fundazioaren ekimenez. Programa Mozanbikeko (afrika) Marrupa barrutian dago kokatuta. Hamar bat urtetarako plangintza da eta barrutiko garapen sozio-ekonomikoa bultzatzea du helburu. Horretarako nagusiki nekazaritza, azpiegiturak eta enpresa kooperatibo txikien sustapenean lan egiten du.

Beñat Artzadunek Marrupa Programaren ikuspegi orokorra azalduko du besteak beste. Ekitaldiaren ardatz nagusiak, berriz, programaren diseinua, bertako errealitatean txertatzea, lekuko pertsonekin harreman eta kolaborazioa izango dira. Afrikaren egoera edo eta kooperazioan interesatuta daudenentzat aukera ederra izango da ideiak elkar trukatzeko.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.