Udalak Foru Aldundiarekin duen lankidetza hitzarmenaren inguruan sortuko dute Jarraipen Batzordea. Hala, lanak egin ahala arazoren bat sortuz gero, Batzordeak konpondu beharko du eta gainera lanak proiektuan zehaztuta dagoenaren arabera egin daitezen arduratuko da.
Batzorde hori, besteak beste, Gipuzkoako Foru Aldundiko Gizarte eta Erakunde Harremanetarako Departamentuko ordezkari batek, obra zuzendaritzako ordezkariak, AUKEA Kirol Erakundearen ordezkari batek eta Arrasateko Udaletxeko ordezkariek osatuko dute. Jarraipen batzorde horrek sarri egingo ditu jarraipenak, hilero egingo dituelako bilerak, hileko lehen asteazkenetan.