Uztailean, Mondrak hiru aste egingo ditu entrenatzen, eta egingo duten lanaren gainean galdetu diogu taldeko entrenatzaileari: Datozen hiru asteak elkar ezagutzeko erabiliko ditugu. Prestakuntza fisikoa lantzeko ariketak egingo ditugu, baina baloiarekin ere egingo dugu lan, jokoen bitartez. Ez dugu karga handiko lanik egingo.
Abuztuko lehenengo asteak oporretan egon eta gero, abuztuaren 15ean itzuliko dira lanera, eta Arrasateko entrenatzaileak orduan jakingo du zenbat jokalari izango dituen denboraldiari aurre egiteko: Lehen zeuden jokalariak ezagutzen ditut, eta beste hiru lagun etorri dira gurekin, gure ustez maila onekoak direnak. Hala, talde ona daukagula esango nuke, oso konpentsatuta, eta lehia handia izango da. Gero, baina, txapelketak jarriko gaitu merezi dugun tokian.