Musakolako jaietan egingo dute sari banaketa, maiatzaren 15ean. Hala, Bittor Amozarrain mendizaleak jasoko du bakarkako kirolari onenaren saria, joan den udan G-II mendi tontorrera igotzean egindako lorpenagatik. Euskadiko Mailan lehiatu den Arrasate Errugbi Taldearendako izango da talde onenaren saria.
Horrekin batera, aurten bi lagunendako izango da aipamen berezia, Arrasateko kirola urteetan bultzatzeagatik. Batetik, orain arte Mondrako presidente izan den Jose Luis Ezkurrak jasoko du aipamen berezi hori, eta bestetik, horrenbeste urtetan zehar Arrasateko eskubaloiaren alde lan egin duen Jose Mari Herrero Pitxi zena ere izango dute gogoan.
Musakolako kiroldegian egingo dute sari banaketa, maiatzaren 15ean, 11:00etan.