Mikel eta Rosa donostiarrak itsasikara izan zen inguru hartara joan ziren iaz tandemean. Beraiek antolatutako ikus-entzunezkoan bertako biztanleen ohiturak, bizimodua eta paisaiak ezagutzeko aukera egongo da. Prestaturiko ikus-entzunezkoa, han jasotako argazki eta musika onenen 40 minutuko laburpena da.
Emanaldian jasoko den dirua tsunamiak kaltetutakoendako zabalik dauden kontu korronteetako batean sartuko da.
- Eguna: martxoak 11, ostirala
- Ordua: arratsaldeko 18:30ean
- Lekua: Monterron Jauregian
Arizmendiko batxilergoko ikasleek antolatuta
Orain dela gutxi, Arizmendi ikastolako batxilergoko ikasleek Asiako itsasikara jasan zuten herrialdeei laguntzeko kanpaina jarri zuten martxan. Diru bilketa horretan 8.500 euro inguru jasotzea lortu zuten. Irabazi guztiak Asian lanean ari den Intemon-Oxfan, Gobernuz Kanpoko Erakundeari eman zaizkio. Diru asko izanik, ez da nahikoa halako suntsiketa baten aurrean. Horregatik antolatu dute ikus-entzunezkoa.