Bihar arratsaldean (16:30ean), preferenteko talde indartsuena etorriko da Atxabalpera. Tolosan jokatu zuenean, talde zuri-moreak 1-0 galdu zuen. Taldeko jokalari Iban Garai Muxi-k badaki zertan hobetu beharko duten: "Aurrelari azkarrak dituzte, baloia ondo babesten dutenak. Jokalari erabakigarria, baina, ezker hegalean jokatzen duena da. Erdiraketa eta joko aldaketa ikusgarriak egiten ditu, eta hori da zaindu beharko duguna".
Mondrako entrenatzaileak, berriz, ez du uste kontrarioari begira egon behar dutenik, hori esan digu Josu Zubiak: "Guk daukagu norgehiagokaren gakoa, gure jokoa egin behar dugu, baina bai da egia ezker aldea gehiago zaindu beharko dugula".