Al Andalus Elkarteko kideak pozik daude Arrasateko III. Cante Flamenko lehiaketan abeslariek erakutsi duten maila handiarekin eta Arrasateko eta Debagoieneko bizilagunek eman dioten babesarekin. Gainezka egon zen zapatu arratsaldean Amaia Udal Antzokia.
Emakumeak
Bost ziren finalera iritsitako abeslariak, hiru gizonezko eta emakume bi. Eta emakume biek eraman zituzten lehen sariak. Malagako Isabel Rico izan zen lehena. Bigarren saria ere emakume batek hartu zuen. Cadizetik etorritako Rocío Ruizek hain zuzen. Rocíok gainera, badaki zer den Arrasaten saria hartzea, Cante Flamenko lehen lehiaketan berak hartu zuelako lehen saria.
Hirugarren saria Gasteizen bizi den Paco Guerrerok, laugarrena Nafarroan bizi den Antonio Parrak eta azkenik Jose Parra, aurrekoaren anaia denak eta baita ere Nafarroan bizi denak.
Joan-etorriko kanten interpretaziorik onenaren saria Juan Luis Victorrek, Bilbon bizi den Cacerestarrak hartu zuen.
Maila hobetzeko eten gabeko lana
Arrasateko Cante Flamenko Lehiaketak aurrera egin nahi du eta gainera Estatuko beste lehiaketekin aritu nahi du. Hala nola, Andaluziako, Levanteko eta Kataluniako lehiaketen parean jardutea nahi dute Al Andalus Elkarteko kideek.