Gipuzkoako Diputatu Nagusi Joxe Joan Gonzalez de Txabarrik emango die urrezko domina Alfonso Gorroñogoitia eta Jose Maria Ormaetxea jaunei. Gainera, gaur arratsaldean Arrasateko udaletxean egingo den harrera ekitaldian MCCko zuzendaritzako kideek, Arrasateko udalbatzarrekoek eta Arizmendiarrieta, Usatorre eta Larrañagaren senitartekoek ere esku hartuko dute.
Hain justu ere, ULGOR sortu zutenen eta hilik daudenen senitartekoei ere eskainiko diete urrezko plaka. Arratsaldeko bostetan izango da ekitaldia Arrasateko udaletxeko batzar aretoan.