Bederatzi urteko mutiko batek irabazi du Aratusteetako kartel lehiaketa

Leire Kortabarria 2005ko urt. 24a, 13:06
Peru Altube Kazalis 9 urteko mondragoetarrak irabazi du herriko Aratusteetako kartel lehiaketa. Horrenbestez, inoizko irabazlerik gazteena da; orain arteko gazteena 13 urteko neska bat izan zen.contributors:

Peru Altuberen kartela (irudian) hobestu du epaimahaiak Arrasateko Aratusteetako kartel lehiaketan, eta berak irabazi du, hortaz, aurreikusitako 360 euroko saria. Ezohikoa da hain egile gazte batek irabaztea lehiaketa, baina bere lana izan da, epaimahaiaren ustez, saria merezi zuena. Kultura Saileko zinegotzi batek, SUDC elkarteko kide batek eta Monterrongo margo irakasleak osatu zuten epaimahaia.

Marrazki horrekin, Arrasateko Udalak Aratuste jaietako kartelak eta jaietako egitarau liburuxkak egingo ditu.

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak