Postalak ez ezik seiluak ere banatu zituzten. Postalak Zapatero presidenteari eta Ibarretxe lehendakariari zuzendutakoak ziren. Zapaterori inkomunikazioa ahalbidetzen duen egungo Kode Penala aldatzeko eskatzen zaio postal horien bidez. Ibarretxeri, berriz, Ertzaintzak lege hori ez erabiltzeko eskaera egiten zaio. Tantaka-tantaka jende dezente hurbildu da gure postura, adierazi zuen Aralarko Iñigo Iñurrategik.
Sentsibilizazio kanpaina
Arrasatetik, beraz, 116 postal jasoko dituzte Madrilen eta Ajuria Enean. Postalekin batera, arrasatearrek tortura, inkomunikazio eta egungo Kode Penalaren inguruko informazioa biltzen zuen orria jaso zuten. Ekimena Debagoieneko beste herri batzuetara zabalduko dela jakinarazi ziguten.