Norendako izango da bildotsa?

Domekan korrituko dute herriko lasterketa herrikoiena, Santamasetakoa. Aurten hogeita zazpi urte egingo ditu Arrasate Atletiko Taldeak antolatzen duen lasterketak. 12:30ean hasiko da koadrilen arteko lasterketa, baina lehenago ere egongo da zer ikusi.

Izan ere, goizeko hamaiketan hasita gaztetxoenendako lasterketak izango dira. Koadrilen arteko lasterketari dagokionez, helburua izango da lehenengo postuko saria eskuratzea: bildotsa. Joan den urtean Los Caracoles taldearendako izan zen lehen saria, eta lehia polita izan zen Cesar Perezen eta Zuhaitz Ezpeletaren artean. Ikusi egin behar aurten nola dabiltzan herriko kirolari ezagunak, eta ikusi egin behar Arrasateko Atletismoko Taldeko gazteek zein maila erakusten duten. Ikusleei dagokienez, argi ibili, 20 minutuko lasterketa izaten da-eta.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.