Afganistango egoeraz sarri entzun izan dugu herri hori mundu osoan albiste bihurtu zenetik, baina gutxitan izan da aukera Debagoienean hango bizilagun baten ahotan horren berri jasotzeko, are gutxiago emakumea izanda. Gaur, eguaztena, Afganistango Rawa emakumeen elkarteko Sahar Saba kidearen kontakizuna entzuteko aukera dago Afganistan: Emakumeen egoera, borroka eta aldarrikapenak hitzaldian. Emakume Txokoan izango da hitzordua, 19:00etan. Saba Estatuan dago egunotan, eta Bartzelonatik iritsi berri da gurera.
Elkarrizketa 'Goienkaria'-n
Sahar Sabari egindako elkarrizketa zabala irakurtzeko aukera izango da abenduaren 3ko Goienkaria-n. Afganistango inbasioaz, hauteskundeez, emakumeen lehengo eta oraingo egoeraz eta beste hainbat gaitaz berba egin du aldizkariarekin.