Arrasateko Udaltzaingoak eta Ertzaintzak Araba Etorbidea kalea itxi egin dute, goizeko 10:00ak aldera Eskatu pabiloiaren aurrean auto susmagarri bat ikusi dutelako. Udaltzaingotik adierazi digutenez, autoa Gasteizen lapurtu dute eta Arrasateko Araba Etorbidean dago orain, esan bezala, aparkatuta.
Ertzaintzako agenteak dabiltza orain autoa ikuskatzen, jakiteko arriskutsua den ala ez. Bien bitartean, Arrasateko hainbat kale itxita daude eta udaltzaingoa trafikoa desbideratzen dabil.
Horrela, Maiatza plaza eta Takoloko biribilgunea itxi egin dute eta bertatik igaro behar zen trafiko guztia Otalora kaletik eta Arrasateko sahiesbidetik desbideratzen dabiltza.