Hilabetetan atzeratu behar izan da emanaldi hori, izan ere talde horiek uztailean egiten dute urteko ikuskizuna. Aurten, baina, Monterrongo zuhaitzen egoerak eragotzi egin zuen emanaldia egitea. Azkenean, atzo eskaini zuten ikuskizuna Amaia antzokian eta 300 bat lagun hurbildu zen euskal dantzak ikustera eta euskal doinuak entzutera. Pozik, beraz, Lore Gazteak taldeko lagunak, azkenean emanaldia egin ahal izan zutelako eta, bestalde, ikustera lagun ugari hurbildu zirelako.
Haur ugari zineman
Zapatuan ere ez zen jenderik eta zaratarik falta izan Amaia Antzokian. Pirritx eta Porrotx pailazoen ILARGIAREN SEKRETOA filma eskaini zuten. Amaia Antzokitik esan digutenez, 600 bat lagun hurbildu zen filma ikustera, arratsaldean eman zituzten bi emanaldietara.