Autobus zerbitzu berezia Domu Santu egunerako

Nerea Zubiete 2004ko urr. 28a, 14:02
Herri barruko autobus zerbitzua egiten duen Leintz Garraioak Konpainiak kanposantura joateko autobus zerbitzuak jarriko ditu urriaren 31n eta azaroaren lehenean. Domu Santu egunean ordu erdiro ibiliko dira San Kristobal hilerrirako autobusak.

Urriaren 31n zerbitzua ordurokoa izango da eta autobus bakarra ibiliko da zerbitzua egiten. Goizeko 10:00etan egingo du lehen zerbitzua eta 12:30ean itzuliko da azken aldiz. Arratsaldez, 15:00etan hasiko da eta 18:30ean itzuliko da azken aldiz.

Domu santu egunean, berriz, ordu erdiro ibiliko dira bi autobus. Goizeko 10:00etan abiatuko da lehen aldiz kanposanturantz eta azkenengo itzulera bidaia 13:30ean egingo du. Arratsaldean, 15:30ean abiatuko da lehen aldiz eta hilerritik herrira 19:00etan egingo du azken bidaia. Ordutegiak zehatzago ikusi nahi izanez gero, autobus geltokietan eta autobusetan bertan begiratu beharko dira.

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak