Astelehenean egin zuen Mondrak aurtengo denboraldiaren aurkezpena. Arrasateko futbol taldeak datorren denboraldian izango dituen kategoriak aurkeztu zituen, eta taldeek entrenamendu egunak eta ordutegiak zehaztu zituzten. Lehenengo taldeari dagokionez, urte askoan Mondran ibili diren hainbat jokalari falta ziren, baina aurpegi berriak ere egon ziren. Preferente mailako taldeak hainbat entrenamendu egingo ditu uztaila amaiera arte, eta abuztuko lehenengo hamabostaldian atseden hartuko dute, bigarren hamabostaldian lanera itzultzeko. Argazkian, Gasteiz Cup txapelketan irabazle izan diren Alditrans Gasteiz taldekoak; aurten Mondran jokatuko dute, infantil mailan.