Guztia gertu dago Tourraren emoziorako, eta baita Monteko porra ezagunerako ere. 14. urtez egingo dute oraingoan, eta inoiz baino diru kopuru ederragoa banatzea espero dute. Ez da harritzekoa, parte hartzen duen jende kopurua ikusita: izan ere, antolatzaileek esaten dutenez, kanpotik jende asko etortzen da parte hartzera: Donostiatik, Bizkaitik ere
Noiz eta zelan parte hartu
Monteko porran parte hartzeko aukera bihar eta etzi, zapatua eta domeka, izango duzue. Izan ere, zapatuan, hilak 3, aditzera emango ditu Tourrak zerrenda ofizialak, eta porran parte hartzeko, txirrindularien dortsalak dira datu garrantzitsuena. Hortaz, tabernakoek diotenez, jendeak nahiago izaten du zerrenda ofiziala ikusi arte apusturik ez egitea. Aurrekari etapa ez da porran kontuan hartzen. Mugaeguna domeka da, uztailak 4, 14:00etan.
Apustuak 30 eurokoak dira, eta 15 txirrindulariren dortsalekin osatutako zerrendak aurkeztu behar dira, gura bezain beste. Eguneko etapak, taldeko emaitzak, sailkapen orokorra eta mendiko emaitzak hartuko dira kontuan puntuak banatzeko orduan.