Urtero moduan, Al Andalus elkarteak Errozioaren erromeria egingo du domekan. Aurtengoa hamalaugarren edizioa izango da, eta jende mordoa batuko du Santa Teresa elizan eta horren ostean, Arruena parkean.
Uztailaren 4an, domekan, Al Andalus elkarteak Errozioaren erromeria egingo du. 09:30ean, beste kultur elkarteei ongietorria egingo diete Al Andalusen. 10:00etan, prozesioa egingo dute Santa Teresa elizara (San Isidro elizan ez dira denak sartzen). Hantxe, meza errozieroa egingo dute, eta horren ostean, handik Arruena parkera joko dute (Eroski ondora).
Goiz partetik 19:30era bitartean, Arruena parkean egun osoko jaia egingo dute: produktu gastronomikoak izango dira, dantza ikuskizunak, jendea abesten...
Aurreko urtean 2.000 lagunetik gora batu zen Errozioaren erromerian. Arrakasta handia du ekintza horrek.