Katia Longhin italiarra izan zen atzo Arrasaten azkarrena

Xabier-Urzelai 2004ko eka. 11a, 12:03
Esprintean erabaki zen atzo Emakumeen Birako lehenengo etapa, eta SC Michelo taldeko Katia Longhin italiarra izan zen Garibai etorbidean azkarrena. Bigarrena Chantal Beltam holandarra izan zen, eta hirugarren postuan Farm Frites taldeko Adrie Visser helmugaratu zen.

Emakumeen Birako lehenengo etapa ez zen gogorra izan. Ibilbideko 79 kilometroak erritmo onean egin zituzten, eta Kanpanzarreko maldek jarri zioten lasterketari emozio apur bat. Arrasatear asko elkartu ziren Garibaien zegoen helmugan, guztiak zeuden irrikitan Joane Somarribak helmuga lehenengo postuan nola igarotzen zuen ikusteko, baina atzo ez zen posible izan. Euskaldunen artean, Lets Go taldeko Eneritz Iturriaga zazpigarrena izan zen, eta Joane Somarriba 16.a.

Gaurko lasterketa Lekeition hasi eta amaituko dute, eta ibilbide ia guztia kostaldetik egingo dute. Hirugarren mailako hiru mendate igo beharko dituzte, eta bigarren mailako mendate bat.

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak