Eskuak Elkarri izeneko antzezlan musikatua taularatuko dute asteburu honetan Amaia Antzokian, Goikobaluren 15garren urteurreneko ospakizunen barruan. Denbora luzez ibili dira lanean antzezlan musikatua borobiltzeko, bi urte igaro dira,hain zuzen, antzezlana sortzen hasi zirenetik. Jose Mari Velez de Mendizabal da gidoiaren egilea eta berarekin batera lagun ugarik hartu dute gero parte lanaren garapenean. Asteburu honetan 150 bat lagun batuko dira antzezlan borobiltzeko.
Ekainaren 9an entsegu nagusia egingo dute eta asteburuan, Amaia Antzokiko ateak guztiendako zabalduko dituzte. 11an eta 12an, hau da, egubakoitzean eta zapatuan 22:00etan izango da emanaldia. 13an berriz, domekan, 19:00etan. Eta horretarako, gaurtik sarrerak salgai daude Amaia Antzokiko takillan, 19:00etatik 20:00ra bitartean.